11 nəfəri aldadan dələduza 8 il cəza verildi

Bu gün Bakı Ağır Cinayətlər Məhkəməsində dələduzluqda təqsirli bilinən Kəmalədin Adıyevin cinayəti işi üzrə məhkəmə prosesi başa çatıb.

Teleqraf.com xəbər verir ki, hakim Ənvər Seyidovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə Kəmaləddin Abdıyev 8 il müddətinə azadlıqdan məhrum edilib.

Qeyd edək ki, Kəmaləddin Adıyev Bakı şəhər sakinləri etibarında sui-istifadə edərək 40min manat dələduzluq edib. O, qurbanlarına Dubaydan elektrotexnika malları gətirəcək adı ilə pul alıb. İş üzrə 11 nəfər zərərçəkən var.

Onu da qeyd edək ki, Kəmaləddin Abıyevin anası Əsli Abıyeva da dələduzluq əməli törətdiyinə görə 9 il azadlıqdan məhrum edilib.

Hacı Zeynalov