AYB-də yeni komissiyalar yaradıldı

Azərbaycan Yazıçılar Birliyində (AYB) yeni komissiyaların yaradılması ilə bağlı qərar qəbul edilib.

Birliyin mətbuat xidmətindən Teleqraf.com-a bildirilib ki, komissiyalar bölgələrdə poeziya günləri təşkil edəcəklər. Yeni yaradılmış bu komissiyalar görkəmli söz xiridarları Xaqani, Füzuli, Mikayıl Müşfiq və Vəkilovların adını daşıyır.

Azərbaycanın görkəmli ədibləri – Səməd Vurğun, Yusif Səmədoğlu və Vaqif Səmədoğlunun adını daşıyan Vəkilovlar komissiyasının sədri Milli Məclisin deputatı Nizami Cəfərov seçilib.

Əfzələddin Xaqaninin adını daşıyan Xaqani komissiyasına yazıçı Elçin Hüseynbəyli, Məhəmməd Füzulinin adını daşıyan Füzuli komissiyasına Milli Məclisin deputatı, yazıçı Aqil Abbas, Mikayıl Müşfiq komissiyasına isə şair Xəyal Rza rəhbərlik edəcək.