Husilər İsrail aviabazasına zərbələr endirdi

Husilər İsrailin Negev səhrasındakı Nevatim aviabazasına hipersəsli raket zərbəsi endirdiyini açıqlayıb.

Teleqraf.com xəbər verir ki, bu barədə husilərin sözçüsü Yəhya Sariyaya “Al Masirah” telekanalına bildirib.

"Yəmən Silahlı Qüvvələrinin Raket Qüvvələri işğal olunmuş Fələstinin cənubundakı Negev bölgəsində yerləşən Nevatim hava bazasına "Fələstin 2" hipersəs ballistik raketi ilə hücum edərək hərbi əməliyyat həyata keçirib" - Sariya deyib.