Tramp 33 dəfə Ukraynadakı münaqişəni dayandıracağına söz verib - ABŞ nəşri hesabladı

ABŞ-ın yeni prezidenti Donald Tramp ən azı 33 dəfə Ukraynadakı münaqişəyə son qoyacağına söz verib.

Teleqraf.com xəbər verir ki, "Axios" nəşri onun bütün vədlərini sayıb.

Hesablamalar 2023-cü ilin yanvarından 2024-cü ilin 6 dekabrına qədər olan dövr üçün aparılıb.

Qeydlərin tezliyinə görə ikinci yeri Trampın qeyri-qanuni miqrantlar üçün sərhədi bağlayacağı vədi (32 dəfə) tutub. Siyasətçinin peyvəndin məcburi olduğu və ABŞ-da irqçiliyin kök saldığını öyrətdiyi məktəblərin maliyyəsini kəsməyə hazır olması ilə bağlı açıqlamaları (26 dəfə) isə üçüncü yeri tutub.

Bundan əlavə, Tramp 25 dəfə “ən böyük deportasiya əməliyyatına” başlayacağını vəd edib.