Trampa qarşı sui-qəsd cəhdlərində İranın əli olub?

İran Xarici İşlər Nazirliyinin sözçüsü İsmayıl Bəqayi Tehranın ABŞ-ın yeni seçilmiş prezidenti Donald Trampa sui-qəsd cəhdlərində əli olması ilə bağlı bəyanatı əsassız adlandırıb.

Teleqraf.com xəbər verir ki, bu barədə İran Departamenti məlumat yayıb.

Noyabrın 8-də ABŞ Ədliyyə Nazirliyi İran İslam İnqilabı Keşikçiləri Korpusunun (SEPAH) Donald Trampa sui-qəsd cəhdinin hazırlanmasında iştirak etdiyini açıqlayıb.

İran Xarici İşlər Nazirliyinin sözçüsü İsmayıl Bəqayi ABŞ-ın keçmiş və indiki məmurlarının məhv edilməsi cəhdlərində İranın iştirakı ilə bağlı ittihamları qəti şəkildə rədd edib.

Onun sözlərinə görə, əvvəllər də oxşar ittihamlar səslənib, Amma Tehran onları rədd edib və onların yalan olduğunu sübut edib. Bəqayi vurğulayıb ki, indiki mərhələdə bu cür bəyanatların təkrarlanması “sionist və anti-İran dairələri” tərəfindən təşkil edilib, ABŞ və İran arasında münasibətləri daha da çətinləşdirməyə yönəlmiş zərərli plandır.