Qazaxıstanda hərbi helikopter qəzaya uğradı - Ölən var

Qazaxıstan Müdafiə Nazirliyinin “Mi-8” helikopteri təlim uçuşu yerinə yetirərkən Aktobe vilayətində sərt eniş edib.

Teleqraf.com xəbər verir ki, bu barədə Qazaxıstan KİV ölkənin Müdafiə Nazirliyinə istinadən məlumat yayıb.

Məlumata görə, təlim uçuşu zamanı göyərtədə 3 ekipaj üzvü olub, sərt eniş sonrası onlardan biri ölüb, ikisi ağır vəziyyətdə xəstəxanaya çatdırıb.

Hadisənin təfərrüatları araşdırılır, olay yerində qurumlararası əməliyyat qrupu işləyir. İlkin məlumata görə, qəzanın səbəbi texniki nasazlıqdır.