İsrail Hələbdəki hərbi zavodlara hücum etdi

İsrail Hərbi Hava Qüvvələrinin qırıcıları gecə saatlarında Suriyanın Hələb şəhəri yaxınlığında (Dəməşqdən 360 km məsafədə) bir neçə hərbi obyektə raket zərbələri endirib.

Teleqraf.com xəbər verir ki, təyyarələr Əs-Safira bölgəsindəki müdafiə zavodlarına və silah anbarlarına, eləcə də Hələbin kənarındakı tədqiqat mərkəzinə hücum edib.

Suriyada keçid hökuməti hakimiyyətə gələndən bəri İsrail Ərəb Respublikasının 13 vilayətində hərbi obyektlərə 400-dən çox hava hücumu həyata keçirib.