Qazaxıstan bu məsələdə heç vaxt vasitəçi olmaq istəməyib - Prezident açıqladı

Ukraynada münaqişənin başlanğıcından bəri Qazaxıstan sülhə nail olmaq üçün danışıqların aparılmasının tərəfdarı olsa da, vasitəçi olmaq istəməyib.

Teleqraf.com xəbər verir ki, bu sözləri “Ana dili” qəzetinə müsahibəsində Prezident Qasım-Jomart Tokayev deyib.

“Ukraynada hərbi əməliyyatların başlanğıcından bəri Qazaxıstan sülhə nail olmaq üçün danışıqlara başlamağın tərəfdarı olub. Vurğulamalıyam ki, biz heç bir yerdə vasitəçi olmağı tələb etmirik, beynəlxalq arenada özümüzü Qazaxıstanın potensialına və imkanlarına uyğun aparırıq. Lakin biz beynəlxalq problemlərin həllində kömək etməyə hər zaman hazırıq”, - Tokayev belə söyləyib.