Cinayətini qələmə alan yazıçı həbs edildi - Şok olay

İtaliya polisi poçt şöbəsini qarət edib və bu barədə hekayə yazan şəxsi həbs edib.

Teleqraf.com xəbər verir ki, qarətçi 2017-ci ilin dekabr ayında Berqamo şəhərinin yaxınlığındaki poçt şöbəsinin əməkdaşlarını odlu silahla hədələyərək oradan 650 avro oğurlayıb.

Qarətçi yanvarın 12-də qonşu şəhərcikdə saxlanılıb. Saxlanılma zamanı o nəinki törətdiyi cinayəti etiraf edib, hətta polis əməkdaşlarına cinayətin təfərrüatlarını təsvir edən əlyazma verib.

Adı açıqlanmayan şəxsin əvvəllər də bu cür hadisələr törətdiyi bildirilir.