9 Sentyabr 14:17
1 959

Ermənistanın müdafiə naziri Arşak Karapetyan bu gün Qarabağdakı Rusiya sülhməramlı qüvvələrinin yeni təyin olunmuş komandanı, general-mayor Mixail Kosobokovu və Rusiyanın Ermənistandakı 102-ci hərbi bazasının komandanı, polkovnik Dmitri Ovçarovu qəbul edib.

Teleqraf.com xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.

Məlumata görə, Arşak Karapetyan Rusiyanın regionda hərbi-siyasi vəziyyətin sabitləşməsinə yönəlmiş səylərini, həmçinin, Rusiyanın Qarabağdakı sülhməramlı missiyasının fəaliyyətini və effektivliyini yüksək qiymətləndirib.

A.Karapetyan Ermənistanda yerləşən Rusiya hərbi hissəsinin rolunu və əhəmiyyətini də qeyd edib.


Müəllif: Səxavət