Vətənin ölümü vikipediyaya əlavə olundu - O kim idi?

8 yanvar 1974-cü ildə İstanbulda anadan olan məşhur aparıcı, yazar və aktyor Vətən Şaşmazın ölüm günü 27 avqust 2017-ci il olaraq vikipediyaya əlavə olunub.

Teleqraf.com xəbər verir ki, aktyorun vikipedi səhifəsində onun ötən gün İstanbuldakı otellərdən birində keçmiş model olan sevgilisi Filiz Ağər tərəfindən odlu silahla vurulub öldürülməsi qeyd olunub.

Qeyd edək ki, Vətən Şaşmaz gənclik illərində fotomodel olub. Bəzi reklam və kliplərdə rol alıb. İllərlə Məlikə Öcalan adlı aparıcı ilə birgə Türkiyənin ATV kanalında səhər verilişinin aparıcısı olub. Ardınca isə Türkiyənin ATV telekanalında “Özəl xətt” adlı maqazin proqramının aparıcısı olaraq çalışıb.

“Çocuklar duymasın” teleserialında oynadığı Əngin xarakteri isə onu tanıdan əsas obrazlardan biri olub.

Vətən həmçinin 2004-cü ildə TRT üçün çəkilən “Dodaqdan qəlbə” filmində Ərgün adlı həkim obrazını canlandırıb.
“Kəloğlan qara şahzadəyə qarşı” adlı filmdə isə Ağ atlı şahzadəni məhz Vətən Şaşmaz oynayıb.