“Proses Azərbaycanın ərazi bütövlüyünün tanınması ilə bitəcək” – Oskanyan

“Ermənistanın Azərbaycanın ərazi bütövlüyünü tanıması yekun sülh müqaviləsində öz əksini tapacaq. Bura Qarabağın Azərbaycan ərazisi kimi tanınması da daxildir”.

Teleqraf.com xəbər verir ki, bunu Ermənistanın keçmiş xarici işlər naziri Vardan Oskanyan deyib.

“Ermənistan hakimiyyəti artıq şifahi şəkildə, bəzi yerlərdə isə sənədləşdirib, məsələn, Praqa sənədi üzrə razılaşıb ki, Qarabağ Azərbaycanın tərkibində olmalıdır və qalmalıdır. Bütün bunlar sülh müqaviləsi imzalananda öz təsdiqini (rəsmi) tapacaq”, - sabiq nazir bildirib.

Oskanyan bu gün diplomatik sahədə baş verənlərin Ermənistanın Azərbaycanın ərazi bütövlüyünü tanınması ilə yekunlaşacağını söyləyib. Onun iddiasına görə, bu, bənd şəklində imzalanacaq sülh müqaviləsində öz əksini tapacaq.