9 İyun 2023 17:37
1 794
12 Punto 14 Punto 16 Punto 18 Punto

“Nəqliyyat komunikasiyalarının əsas elementi olan Zəngəzur dəhlizi ilə bağlı Ermənistan və Rusiya arasında fikir ayrılığı var”.

Teleqraf.com xəbər verir ki, bunu jurnalit, siyasi şərhçi Asəf Quliyev deyib.

Ekspert Ermənistan-Azərbaycan gərginliyi ətrafındakı son gəlişmələrə diqqət çəkib: “Üzdə görünməsə də, bölgədə gərginlik son dərəcə yüksəkdir.

Birinci, Paşinyan Türkiyə prezidentinin andiçməsinə qatılır;

İkinci, Vardanyan tələb edir ki, ermənilərin Laçın postundan keçidləri dayandırılsınlar;

Üçüncü, Rusiya Ermənistanda dağlıq ərazidə helikopter uçuşularının təkmilləşdirilməsi təlimləri keçirir;

Dördüncü, Rusiya Qafanda baş konsulluq açır (İran artıq açıb);

Beşinci, Avropa İttifaqının monitorinq missiyası Qafan və yaxın ərazilərdə yeni əməliyyat mərkəzləri yaradır;

Altıncı, ABŞ-da keçiriləcək danışıqlar təxirə salınır;

Yedinci, bəlli olur ki, sərhədlərin dəqiqləşdirilməsi üçün heç bir ilkin razılaşma yoxdur;

Səkkizinci, nəqliyyat komunikasiyalarının əsas elementi olan Zəngəzur dəhlizi ilə bağlı Ermənistan və Rusiya arasında fikir ayrılığı var.

Bölgə barıt çəlləyidir, ətrafda isə güclü yanğın var”.


Müəllif: Mənsur Rəğbətoğlu