İl-76 qəzası ilə bağlı Ukraynadan sərt açıqlama: "Məhv etməyə davam edəcəyik"

Ukrayna Silahlı Qüvvələri Xarkov vilayətini atəşə tutmaq üçün Belqorod aerodromuna raketlər çatdıran Rusiya hərbi-nəqliyyat təyyarələrini məhv etməyə davam edəcək.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahının feysbuk sosial şəbəkəsində yaydığı məlumatda deyilir.

“Raket təhlükəsini azaltmaq üçün Ukrayna silahlı qüvvələri təkcə hava məkanına nəzarət etmir, həm də raket buraxılış məntəqələrinə və onların çatdırılmasının logistikasına, xüsusən də hərbi nəqliyyat təyyarələrindən istifadə etməklə ətraflı nəzarət edir”, - Baş Qərargah qeyd edib.

Bu xüsusda bildirilir ki, Xarkov vilayətini rus işğalçıları tərəfindən atəşə tutmasının qeydə alınan intensivliyi son vaxtlar Belqorod aerodromuna gedən hərbi-nəqliyyat təyyarələrinin sayının artması ilə birbaşa bağlıdır.