İtkin düşmüş neftçilərin helikopter və dalğıclarla axtarışı dayandırılıb

"Günəşli" yatağının 10-cu özülündə baş verən yanğın nəticəsində itkin düşənlərin helikopter və dalğıclarla axtarışı hava qaranlıq olduğundan dayandırılıb.

Trend-in məlumatına görə, bunu "Azneft” İstehsalat Birliyinin baş mühəndisi Balamirzə Ağarəhimov hadisə ilə bağlı son vəziyyətə aydınlıq gətirərkən deyib.

Onun sözlərinə görə, "Neft Daşları"nda itkin düşmüş 3 nəfərin axtarışı ilə bağlı dalğıclar, "Günəşli" ərazisində isə helikopter tərəfindən aparılan axtarış işləri dayandırılıb: "Buna baxmayaraq, gəmi ilə axtarış işləri davam etdirilir. Axtarışlar helikopter və dalğıclar tərəfindən sabah səhər tezdən yenidən aparılmağa başlanacaq".