Talibandan Çinə jest: “Əfqanıstan yaxşı bazardır...”

“Çindən gələn investisiyalar Əfqanıstanın yenidən qurulmasında əhəmiyyətli rol oynayacaq. Əfqanıstan Çin üçün yaxşı bazardır”.

Teleqraf.com xəbər verir ki, bunu Taliban sözçüsü Zabihullah Mücahid İtaliya mətbuatına müsahibəsində deyib.

O bildirib ki, Çin də daxil bir çox ölkələr Əfqanıstana sərmayə qoymaqda maraqlıdır: "Çin Əfqanıstanın Şərqi Logar bölgəsində yerləşən “Mes Aynak” mis mədəninə artıq sərmayə qoyub və yerli məhsullarını Əfqanıstan bazarına ixracını artırmağı hədəfləyir”.

Əfqanıstanda tapılan metal və nadir elementlərin dəyəri 2020-ci ildə 1-3 trilyon dollar arasında olub.