Ağamirzədən meyxanaçı Ağakərimlə bağlı açıqlama: "Polisdən də öyrənmək olar..."

Meyxanaçı Ağamirzə Məmmədov həmkarı Ağakərim Novruzovla bağlı yayılan xəbərlərə münasibət bildirib.

Teleqraf.com xəbər verir ki, Ağamirzə Məmmədov İnstaqramda video paylaşaraq iddiaları yalanlayıb:

"Kərimə çox gözəl baxılır və yalnız həkimin yazdığı dərmanlar verilir. Bunu polisdən də öyrənmək olar, həkimlə də danışmaq olar. Mənliyimə and olsun ki, Kərimin ailəsi ona çox gözəl baxır. Oğlu da çox yaxşı oğlandır. İkinci bir məsələ, Nazilə xanıma gəldikdə isə o, bizə hər zaman qardaş deyib, biz isə bacı demişik. Hamısı yalan məlumatdır, artıq danışmaq istəmirəm. Yanlış məlumatlar verilib".

Qeyd edək ki, bir müddət əvvəl şairə Nazilə Səfərli meyxanaçıya oğlunun psixotrop dərmanlar verdiyini, bağ evini 150 minə satdığını iddia edib. Meyxanaçının oğlu Kamil Novruzov isə şairədən polisə şikayət edib. Daha sonra Nazilə Səfərli qeyd etdiyi fikirlərin meyxanaçıya aid olmadığını açıqlayıb.