"Windows 10" istifadəçilərini izləyir

Windows 10 əməliyyat sisteminin ayarları istifadəçilərin şəxsi məlumatlarına aqressiv şəkildə müdaxilə edir.

ANS PRESS-in məlumatına görə, proqram təminatı üzrə mütəxəssislərin sözlərinə görə yeni sistem elektron poçtu oxumaq, istifadəçilərin yeri barədə məlumatı yaddaşda saxlamaq və məxfi məlumatlara çıxış əldə etməyə qadirdir.

"Sistemin bu həcmdə fərdi məlumatların toplaması barədə biləndə mən çox təəccübləndim. Bu məlumatlardan yalnız Microsoft deyil, onun tərəfdaşları da istifadə edə biləcək", — deyə proqram təminatı sahəsində mütəxəssis Conatan Port deyib.

Digər mütəxəssis Alek Mierin sözlərinə görə, Microsoft istədiyi vaxt istifadəçinin məxfi məlumatlarına çıxış əldə edə biləcək .

Rəsmi satışlara rəsmən start veriləndən sonra cəmi bir neçə gün ərzində Windows 10 quraşdırmalarının sayı 14 milyona çatıb.