"Heç vaxt boyun əyməyib və bilməlidir ki..." - Zaxarovanın Podolyaka cavabı

Ukrayna hakimiyyəti öz əhalisini zombiləşdirməyə çalışır ki, onları silah gücü ilə səngərlərə sürükləyib orada bitirsin.

Teleqraf.com xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Ukrayna prezidentinin aparat rəhbərinin müşaviri Mixail Podolyakın Teleqram kanalında açıqlamasına münasibət bildirərkən deyib.

“Hələ də “bank terrorçularını” dinləyən hər kəs bilməlidir: Rusiya heç vaxt ultimatumlara və ya şantajlara boyun əyməyib. Qılıncla, qumbara ilə gələni qovurdular. Ölkəni və ya xalqını məhv etməyə cəhd edən hər kəsə insanlıqdan məhrumetmə resepti verildi”- deyə o yazıb.

Podolyak “klassik” danışıqlardan imtina ilə bağlı bəyanatlardan əlavə, Avropa İttifaqının Ukraynaya yardımını davam etdirəcəyinə əminliyini ifadə edib. Onun sözlərinə görə, artıq bəzi liderlərin davranışında və Kiyevə münasibətdə genişmiqyaslı transformasiya baş verib.