TQDK sədri Ağsuda vətəndaşlarla görüşəcək

Tələbə Qəbulu üzrə Dövlət Komissiyasının (TQDK) sədri Məleykə Abbaszadə oktyabrın 17-də Ağsu şəhərində vətəndaşlarla görüş keçirəcək.

TQDK-dan Teleqraf.com-a daxil olan məlumata görə, qəbulda Ağsu rayonunun sakinləri ilə yanaşı Göyçay, Ucar və Kürdəmir rayon sakinləri də iştirak edə bilərlər.

Qəbul saat 11:00-da Ağsu şəhəri, Uşaq-Gənclər Bədii Yaradıcılıq Mərkəzində başlanacaq.

Qəbula gəlmək istəyən vətəndaşlar TQDK-nın internet saytına (eservices.tqdk.gov.az/SedrinQebulu) daxil olaraq elektron müraciət formasını doldurmaqla qeydiyyatdan keçməlidirlər. Bundan əlavə, qeydiyyata yazılmaq istəyən vətəndaşlar Ağsu, Göyçay, Kürdəmir və Ucar rayon təhsil şöbələrinə, eləcədə TQDK-nın Göyçay Regional Bölməsinə müraciətə edə bilərlər.

Qeyd: Qəbula gələn vətəndaşlar şəxsiyyət vəsiqəsini təqdim etməlidirlər.