"Azərbaycanlı mühəndisin cənazəsi Vətəninə göndəriləcək" - Çavuşoğlu

“MV Mozart” gəmisi Qabon limanına daxil olan kimi azərbaycanlı mühəndis Fərman İsmayılovun cənazəsinin Vətəninə göndərilməsi istiqamətində tədbirlər görüləcək.

Teleqraf.com xəbər verir ki, bunu Türkiyənin xarici işlər naziri Mövlud Çavuşoğlu NTN telekanalına açıqlamasında bildirib.

“MV Mozart” gəmisinin hazırda Qabonun sahil sularına çatdığını deyən Mövlud Çavuşoğlu qeyd edib ki, bir qədər əvvəl gəminin kapitanı ilə telefonla danışıb. Hazırda gəmi təhlükəsiz şəkildə limana daxil olmaq üçün gözləyir. Gəmiyə texniki yardım heyətinin göndərilməsi ilə bağlı Qabon tərəfi ilə danışıqlar aparılıb.

Qeyd edək ki, dəniz quldurlarının basqınına məruz qalan “MV Mozart” gəmisinin 19 heyət üzvündən 15-i girov götürülüb, 1 nəfər isə öldürülüb.