Kredit faizləri çox yüksəkdir - Deputat

Bankların qoyduğu kredit faizləri çox yüksəkdir.

Teleqraf.com xəbər verir ki, bunu Milli Məclisin bu gün keçirilən iclasında deputat Siyavuş Novruzov deyib.

O qeyd edib ki, kənd təsərüffatı kreditlərinin faizi də çox yüksəkdir: "Ona görə də, bu məsələyə baxılmalıdır. Vətəndaş üçün elə kredit sistemi yaradılmaldır ki, kiçik sahibkarlıq inkişaf etsin. Amerikada bankın kredit faizi çox olanda onunla FTB məşğul olur. Araşdırırlar ki o silah satır ya narkotik”

Deputat pul dəyişmə məntəqələrinin bağlanmasından da danışıb: "Bu düzgün deyil. Çünki biz bununla qara bazarda pul dəyişilməsi kimi hallara yol açırıq".