Martın 11-dən sınaq imtahanlarının qeydiyyatına başlanır

Aprelin 5-də Tələbə Qəbulu üzrə Dövlət Komissiyası abituriyentlər üçün ilk sınaq imtahanı keçirəcək.

Teleqraf.com TQDK-ya istinadla xəbər verir ki, sınaq imtahanında iştirak etmək üçün qeydiyyatın martın 11-dən aparılması nəzərdə tutulub.

Qeyd edək ki, sınaq imtahanlarına yazılış yalnız internet vasitəsilə şəxsiyyət vəsiqəsindən və TQDK-nın ödəmə kartından istifadə olunmaqla aparılır. Ödəmə kartını internet ödəmə vasitəsilə və ya bütün mobil operatorlardan 7735 nömrəsinə boş sms göndərməklə əldə etmək olar.

Xatırladaq ki, sınaq imtahanları 5, 12, 19 aprel və 3 may tarixlərində keçiriləcək.

NİGAR