Binəqədi: polis rəisinin arvadını həbs gözləyir

Bu gün Bakı Ağır Cinayətlər Məhkəməsində dələduzluqda və rəsmi sənədləri saxtalaşdırmaqda təqsirli bilinən Leyla Əkbərovanın cinayət işi üzrə məhkəmə prosesi davam edib.

Teleqraf.com xəbər verir ki, hakim Rahib Salmanovun sədrliyi ilə keçirilən prosesdə dövlət ittihamçısı çıxış edib.

O, Leyla Əkbərovanın 9 il müddətinə azadlıqdan məhrum edilməsini istəyib. Növbəti proses mayın 10-da davam edəcək

Leyla Əkbərova 150 min manat məbləğində pulu dələduzluq yolu ilə mənimsəməkdə ittiham edilir. Vətəndaşları işə düzəltmək adı ilə aldadan Leyla Əkbərova Cinayət Məcəlləsinin 178.3.2-ci (dələduzluq, külli miqdarda) və 320.1-ci (rəsmi sənədləri saxtalaşdırma) maddələri ilə ittiham edilir.

O, Binəqədi Rayon Polis İdarəsi Narkotiklərlə Mübarizə Şöbəsinin keçmiş rəisi Mahir Əkbərovun həyat yoldaşıdır.

Hacı Zeynalov