İki rayonda narkotiklərlə bağlı - Xüsusi əməliyyat

Hüquq-mühafizə orqanlarının əməkdaşları narkotiklərlə bağlı əməliyyat keçirib.

Teleqraf.com xəbər verir ki, Bərdə rayon polis şöbəsi əməkdaşlarının keçirdikləri əməliyyat tədbirləri nəticəsində Zümrüxan kənd sakini Teyyub Məmmədovun həyətinə baxış zamanı kultivasiya yolu ilə yetişdirilən 17 ədəd çətənə kolu aşkar edilərək götürülüb.

Daha bir əməliyyat Ağcabədi rayon polis şöbəsinin əməkdaşları tərəfindən keçirilib. Salmanbəyli kəndi ərazisində rayon sakini Vahid Baxşəliyevə məxsus fermanın həyətinə baxış zamanı oradan kultivasiya yolu ilə yetişdirimiş 2 ədəd çətənə kolu, habelə yaşadığı evdən 28 qram marixuana aşkar edilərək götürülüb.