Bakıda avtomobil qarətçiləri tutuldu

Xəzər rayonunda oğurluqla məşğul olan iki nəfər həbs edilib.

Teleqraf.com xəbər verir ki, fevralın 28-nə keçən gecə Buzovna qəsəbəsində Zamiq Məmmədova məxsus “VAZ-2107” markalı avtomobildən maqnitofon oğurlanması barədə 2-ci polis bölməsinə məlumat daxil olub.

Əməliyyat-axtarış tədbirləri nəticəsində Bakı şəhər sakini Elvin Novruzov və Şabran rayon sakini Simran Məmmədzadə saxlanılıblar.

İstintaq araşdırması zamanı onların daha bir neçə avtomobildən oğurluq etdikləri bəlli olub.

Faktla bağlı cinayət işi başlanıb.