Bakıda evdən qızıl oğurlayan tutuldu

Bakının Binəqədi rayonunda evdən oğurluq edilib.

Bu barədə Teleqraf.com-a Binəqədi rayon Polis İdarəsindən məlumat verilib.

Məlumata görə, rayon sakini Fərhad Rzayevin evindən qızıl əşyalar və sənəd oğurlanıb. O, evindən oğurluq hadisəsinin baş verməsi ilə bağlı 40-cı polis bölməsinə şikayət edib.

Bölmə əməkdaşlarının keçirdikləri əməliyyat-axtarış tədbirləri nəticəsində oğurluqda şübhəli bilinən Bakı şəhər sakini Emin Abıyev müəyyən edilib. O, həbs edilib.

Faktla bağlı cinayət işi başlanıb.

Hacı Zeynalov