Göyçayda narkotik bağbanı həbs edildi

Göyçay rayon polis şöbəsi narkotik vasitələrin qanunsuz dövriyyəsi və kultivasiyası ilə məşğul olan şəxslərin aşkar edilərək məsuliyyətə cəlb olunmaları istiqamətində əməliyyat tədbiri keçirib.

Daxili İşlər Nazirliyi mətbuat xidmətinin Şəki regional qrupundan Teleqraf.com-a verilən məlumata görə, rayonun Kürdəmiş kəndində narkotik tərkibli çətənə bitkisi əkib-becərən şəxs saxlanılıb.

Kənd sakini Orxan Kərimova məxsus evin həyətyanı sahəsinə baxış keçirilən zaman kultivasiya yolu ilə yetişdirilən 19 ədəd çətənə bitkisinin şitillləri aşkar edilərək maddi sübut kimi götürülüb.

O.Kərimov şübhəli şəxs qismində saxlanılıb.

Faktla bağlı araşdırma aparılır.