Narkotiklə tutuldu, iş yerindən saxta pullar da tapıldı

Gəncə şəhərində narkotiklə tutulan şəxsin başqa cinayəti üzə çıxıb.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Kəpəz rayon Polis İdarəsi əməkdaşları tərəfindən dekabrın 10-da narkotik vasitə və qanunsuz odlu silah gəzdirdiyinə görə Arif Adıgözəlov həbs edilib. Polis əməkdaşları onun işlədiyi kafeyə baxış keçirib.

Bu zaman kafedən 40 ədəd 100 manatlıq, 900 ədəd 50 manatlıq, 136 ədəd 20 manatlıq və 13 ədəd 10 manatlıq saxta əskinaslar aşkar edilərək götürülüb. Arif Adıgözəlovun barəsində Cinayət Məcəlləsinin bir neçə maddəsi ilə cinayət işi başlanıb.

Hacı Zeynalov