Bakıda qətl hadisəsi törədildi

Bakının Səbail rayonu ərazisində ağır qətl hadisəsi baş verib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Bakı şəhər sakini İqor Samoylenko sərxoş halda xəstəxanaya gətirilib. Ona tibbi yardım göstəilməsinə baxmayaraq, həyatını xilas etmək mümkün olmayıb. O, dekabrın 27-də xəstəxanada ölüb.
Dekabrın 27-də Maya Nikolayevna Batolova Səbail rayon Polis İdarəsinin 8-ci polis bölməsinə müraciət edərək dekabrın 24-də oğlu İqor Samoylenkonun naməlum şəxs tərəfindən döyülməsini bildirib.

Polis məkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini Nəsrulla Zaqidulin tutulub.

Hacı Zeynalov