Gürcüstan vətəndaşı avtomobilində ölü tapıldı

Bakının Suraxanı rayonunda avtomobildən meyit aşkarlanıb.

Teleqraf.com xəbər verir ki, meyit Qaraçuxur qəsəbəsi,İ.Musayev küçəsi, 5 ünvanında yerləşən avtomobil təmiri sexində tapılıb.

Gürcüstan vətəndaşı, 1966-cı il təvəllüdlü Nürəddin Rüstəm oğlu Şahmuradovun üzərində zorakılıq əlaməti görünməyən meyiti aşkarlanıb. Hadisə ilə bağlı Suraxanı Rayon Polis İdarəsinin 32-ci polis bölməsinə məlumat verilib.

Hadisə yerinə rayon hüquq-mühafizə orqanlarının əməkdaşları gəlib.

Faktla bağlı Suraxanı Rayon Prokurorluğunda araşdırma aparılır.

Hacı Zeynalov