Xaçmazda qadın qonşusu tərəfindən öldürüldü

Xaçmaz rayonunda qətl hadisəsi baş verib.

Teleqraf.com xəbər verir ki, Xudat şəhərində yaşayan 1936-cı il təvəllüdlü Fatma İbrahimxəlilovanın həyətində qonşusu, 1961-ci il təvəllüdlü Rafiq Şıxverdiyev münaqişə zəminində ona bıçaqla xəsarət yetirib.

Fatma İbrahimxəlilova hadisə yerində ölüb.

Xaçmaz rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində Rafiq Şıxverdiyev tutulub. İlkin məlumata görə, hadisə yol vermək üstündə baş verib.

Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Hacı Zeynalov