Bakıda “Axtarış” başladı

Ötən gün Bakıda müstəqil yaradıcılıq emalatxanası fəaliyyətə başlayıb.

“Axtarış” adı altında fəaliyyət göstərən emalatxanada peşəkar səviyyədə sənətə yiyələnmək istəyənlər, ixtisaslaşmış, təcrübəli müəllimlər tərəfindən dərs alacaqlar. Emalatxanada, aktyor sənəti (iki proqram əsasında: abituriyent və peşəkar hazırlıq), rejissor sənəti (iki proqram əsasında: abituriyent və peşəkar hazırlıq), milli və klassik rəqs, aktyor sənətində döyüş texnikası, plastika, bədən dili, gimnastika, nitq mədəniyyəti, rəssamlıq və dizayner, fotoqrafiya sənəti və ssenari yaradıcılığı tədris olunacaq.

Tam kursu bitirən tələbələrə sertifikat təqdim olunacaq. Gələcəkdəki fəaliyyətləri üzrə istiqamətləndiriləcəklər.

Özünü gələcəkdə ixtisaslaşmış kadr kimi görmək istəyənlər “Axtarış” yaradıcılıq emalatxanasına müraciət edə bilərlər. Artıq qeydiyyatlar başlayıb. Qəbul üzrə yerlər məhdud saydadır.

“Axtarış” yaradıcılıq emalatxanasının bədii rəhbəri, respublikanın əməkdar artisti, Azərbaycan Dövlət Mədəniyyət və İncəsənət Universitetinin baş müəllimi Pərviz Məmmədrzayevdir.