20 gənc seçiləcək, təbliğ olunacaq – Layihə

“Mədəniyyət” kanalı və Azərbaycan Radiosunun təşkilatçılığı ilə bəstəkarlar arasında estrada janrında mahnı müsabiqəsi elan olunub.

Teleqraf.com xəbər verir ki, müsabiqənin əsas məqsədi müasir estrada mahnılarının artmasına xidmət etmək, eyni zamanda, bəstəkarlar tərəfindən yazılan mahnıları üzə çıxarmaq və istedadlı gənclərə dəstək olmaqdır.

Layihədə 20 müasir gənc seçiləcək və bəstəkarların yeni əsərləri televiziya və radio vasitəsilə yayımlanaraq, təbliğ olunacaq.

Müsabiqədə iştirak etmək istəyənlər estrada janrında olan əsərlərin notunu və müğənninin ifasını elektron formada avqustun 25-dək [email protected] ünvanına göndərə bilərlər. Qalibi münsiflər heyəti təyin edəcək. Birinci, ikinci və üçüncü yerlərin sahiblərinə pul mükafatı veriləcək.