ABŞ-da baş vermiş hadisədə həlak olanların sayı 15-ə çatdı

ABŞ-ın Yeni Orlean şəhərində şübhəli şəxsin yük maşınını insanlara tərəf sürməsi nəticəsində ölənlərin sayı 15-ə çatıb.

Teleqraf.com xəbər verir ki, FTB-nin Yeni Orleandakı ofisindən şübhəli şəxsin hadisəni təkbaşına törətmədiyi açıqlanıb.

Polis müşahidə kameraları vasitəsilə bir neçə nəfərin hücumdan əvvəl ərazidə partlayıcı qurğular yerləşdirdiyini aşkar edib. Hüquq-mühafizə orqanları həmin şəxslərin müəyyən edilərək nəzarətə götürülməsi istiqamətində iş aparırlar.