BMT Təhlükəsizlik Şurası Ukrayna ilə bağlı iki iclas keçirəcək

Birləşmiş Millətlər Təşkilatının Təhlükəsizlik Şurası Ukrayna ilə bağlı iki iclas keçirəcək.

Teleqraf.com xəbər verir ki, bu barədə Rusiyanın BMT-dəki daimi nümayəndəsinin müavini Dmitri Polyanski öz "Telegram" kanalında məlumat verib.

İclaslar müvafiq olaraq Rusiya və Qərbin təşəbbüsü ilə fevralın 17 və 24-də baş tutacaq.

Onun sözlərinə görə, Qərb görüşün vaxtını müharibənin başlanmasının üçüncü ildönümünə təyin etmək istəyir. Rusiya isə Minsk tədbirlər paketinin qəbul edilməsinin onuncu ildönümü ilə bağlı görüş tələb edib.