Moskvada qələbə paradına kimlər qatılacaq? – Lavrov açıqladı

Dəvət olunmuş bir çox ölkələr İkinci Dünya Müharibəsində qələbənin 80 illiyi ilə bağlı mayın 9-da Moskvada keçiriləcək tədbirlərdə iştirak edəcəklərini təsdiqləyiblər.

Teleqraf.com xəbər verir ki, bu barədə Rusiya xarici işlər naziri Sergey Lavrov bildirib.

“Qələbə paradı mayın 9-da keçiriləcək. Artıq bir çox dəvətlilər, o cümlədən MDB ölkələrindən olan bütün dostlarımız, qonşularımız, müttəfiqlərimiz və bir çox başqa ölkələr iştiraklarını təsdiqləyiblər”, - nazir bildirib.

Rusiya prezidentinin sözçüsü Dmitri Peskov da söyləyib ki, qələbənin 80 illiyi ilə əlaqədar tədbirlərdə iştirak üçün Moskvaya təkcə MDB yox, müxtəlif ölkələrin liderləri dəvət olunacaq.

Xatırladaq ki, MDB-yə Azərbaycan, Belarus, Ermənistan, Qazaxıstan, Qırğızıstan, Özbəkistan, Rusiya və Tacikistan daxildir.