“Bunu Şuşada etmək yanlış idi” – Köçəryan Araik və Nikolu ittiham etdi

“44 günlük müharibə zamanı Ermənistanın Dağlıq Qarabağın müstəqilliyini tanıması heç nəyi dəyişdirməyəcəkdi”.

Teleqraf.com xəbər verir ki, bunu Ermənistanın ikinci prezidenti Robert Köçəryan deyib.

“Bunun bir şeyi dəyişdirəcəyini düşünmürəm. Müharibə yaratmamaq üçün Dağlıq Qarabağın müstəqilliyini tanımadıq. Bəs Ermənistan hökuməti nə etdi? Müharibənin nəticələrini Azərbaycan üçün rəsmiləşdirdi”, - Köçəryan qeyd edib.

Eks-prezident Baş nazir Nikol Paşinyanın vaxtilə Şuşa ilə bağlı atdığı addımların, o cümlədən, separatçıların başçısı Araik Arutyunyanın “andiçmə mərasimi”nin burada keçirilməsinin yanlış olduğunu bildirib:

“Andiçmə mərasimini Şuşada keçirməyə ehtiyac yox idi. Çünki Şuşanın çox həssas bir məsələ olduğunu bilirdilər. Aşkar edilməməsi lazım olan şeylər var, çünki bunu edəndə danışıqlar yolu ilə nəyəsə nail olmaq üçün heç bir ümid buraxmırsınız”.