Azərbaycanın ilk uşaq telekanalı iki yaşını qeyd edir

Aprelin 1-də Azərbaycanın ilk uşaq telekanalı “ARB Günəş”in iki yaşı tamam olur.

Teleqraf.com xəbər verir ki, “ARB Media Qrup”una daxil olan “ARB Günəş” telekanalı 2015-ci il aprelin 1-dən ölkəmizin şimal regionunda fəaliyyətə başlayıb.

Aprelin 10-dan etibarən “Azerspace 1” peyki vasitəsilə yayımını həyata keçirir. Kanalı kabel televiziyalarında və onlayn izləmək də mümkündür.

Televiziya ilk vaxtlar 16 saat yayımlansa da, 2015-ci il iyunun 1-dən 24 saatlıq yayıma keçib.