Seçici fəallığı 70 faizə yüksəldi - MSK

Mərkəzi Seçki Komissiyasının “Seçkilər” İnformasiya Mərkəzi ölkə üzrə saat 17:00-dək seçici fəallığına dair məlumatı açıqlayıb.

Teleqraf.com xəbər verir ki, mərkəzin müdiri Fərid Orucov qeyd olunan vaxtadək ölkə üzrə seçicilərin 69,93 faizinin, yaxud 3 milyon 716 min 135 nəfərinin səs verdiyini bildirib.

Qeyd edək ki, 125 seçki dairəsi üzrə 5641 seçki məntəqəsi mövcuddur. Seçicilərin ümumi sayı isə 5 milyon 314 min 365 nəfərdir. Saat 17:00-dək 125 seçki dairəsinin hamısı, 5641 seçki məntəqəsinin isə 5631-i hesabat verib.