Mədəniyyət naziri Zaqatalada qəbul keçirəcək

Mərkəzi icra hakimiyyəti orqanları rəhbərlərinin 2018-ci ilin avqust ayında şəhər və rayonlarda vətəndaşların qəbulu cədvəlinə əsasən, mədəniyyət naziri Əbülfəs Qarayev avqustun 31-də saat 10-da Zaqatalada vətəndaşları qəbul edəcək.

Mədəniyyət Nazirliyindən Teleqraf.com-a bildirilib ki, rayondakı Heydər Əliyev Mərkəzində (Zaqatala şəhəri, Car küçəsi 1) keçiriləcək qəbulda Şəki şəhərindən, Balakən, Qax, Oğuz və Zaqatala rayonlarından olan vətəndaşlar iştirak edə bilərlər.

Vətəndaşlar nazirliyin [email protected] elektron poçt ünvanı, e-services. mct.gov.az elektron xidmətlər saytı, telefon məlumat sistemi (qaynar xətt – 147) və ya (012) 493-55-21 nömrəli telefon vasitəsilə (əlaqələndirici şəxs Rəşad Əliyev) qəbula yazıla bilərlər.

Qəbula gəlmək istəyən vətəndaşların, həmçinin yuxarıda adları qeyd edilən rayonların mədəniyyət və turizm şöbələri ilə əlaqə saxlamaları xahiş olunur.