Ərdoğan Güney Azərbaycana gəlir – İlk dəfə…

Türkiyə, İran və Rusiya prezidentlərinin Suriya problemi ilə bağlı üçüncü görüşü Güney Azərbaycanın Təbriz şəhərində keçirilə bilər.

Teleqraf.com xəbər verir ki, bu barədə İran Xarici İşlər Nazirliyinin Təbriz ofisinin rəhbəri Babayi Raqib mətbuat verib.

O, hələlik bununla bağlı yekun qərarın verilmədiyini bildirib:

“Hələlik Xarici İşlər Nazirliyi məsələni aydınlaşdırmayıb. Görüş ya Tehranda, ya da Təbrizdə keçirilə bilər. Yaxın günlərdə yekun qərar veriləcək”.

Türkiyənin TRT telekanalı isə Prezident Rəcəb Tayyib Ərdoğanın sentyabrın 7-də Təbrizə səfər edəcəyini bildirib.

Bu, Ərdoğanın prezident kimi Güney Azərbaycana ilk səfəri olacaq.