Dezinformasiya yayan şəxslərə xəbərdarlıq edildi

“Daxili İşlər Nazirliyinə vətəndaşlar tərəfindən daxil olan müraciətlər nikbin xarakterlidir”.

Teleqraf.com xəbər verir ki, bunu Daxili İşlər Nazirliyin (DİN) Mətbuat Xidməti İdarəsinin rəisi Elşad Hacıyev sentyabrın 20-də Qarabağdakı antiterror tədbirləri ilə bağlı keçirilən brifinqdə deyib.

“Xalqımız Azərbaycan dövlətinin yanında olduğunu, antiterror tədbirləri dəstəklədiklərini bildirirlər”, - DİN rəsmisi əlavə edib.

Bundan başqa E.Hacıyev bildirib ki dezinformasiya yayan 10-a yaxın şəxs Daxili İşlər Nazirliyinə çağırılaraq profilaktik söhbətlər aparılıb.

Onun sözlərinə görə, ermənilər sosial şəbəkələrdə dezinformasiya xarakterli məlumatlar yayır və bununla vətəndaşlar arasında nikbinlik yaratmağa çalışırlar: "Vətəndaşlarımıza xəbərdarlıq edirik ki, qarşı tərəfin yaydığı qeyri-ciddi xəbərlərə aldanmasınlar. Birmənalı şəkildə bilinməlidir ki, Qarabağ bölgəsində qanunsuz erməni silahlılarına qarşı antiterror tədbirləri görülür. Hələ ki ciddi bir siqnal bizə daxil olmayıb".