Kremlin yeni planı: “Qarabağda hərbi baza qurmaq istəyirlər”

“Bölgəni indiyə qədər qarışdıran Rusiya idi. Hələ də qarışdırmağa davam edir. Rus hərbçilərinin Qarabağdan çıxarılmasına gəlincə, Moskva bunu istəmir”.

Bunu Teleqraf.com-a açıqlamasında Politoloq Qabil Hüseynli deyib.

Onun sözlərinə görə, Rusiyanın Qarabağı tərk etmiş ermənilərin geri qaytarılması, köhnə macəranın yenidən təkrarlanması kimi məkrli niyyətləri var:

“Bu baş tutmayacaq. Bölgəni yenidən qarışdırmaq üçün hiyləgər planlara əl ata bilərlər. Sülhməramlıların olduğu zonada hərbi bazaya oxşar nəsə yaratmaq fikrinə düşüblər. Çünki ermənilər 102-ci bazanı Gümrüdən çıxaracaqlar. “Bakı ilə birlikdə hərəkət edirik” deyərək, hərbi cəhətdən Azərbaycan ərazilərində möhkəmlənməyə çalışırlar. Rusiya və Azərbaycan arasında sülhməramlıların statusuna dair anlaşma olmamalıdır. Azərbaycan xalqı bunu istəmir. Ruslar hansısa sövdələşməyə getmək istəyə bilərlər, amma bunlar Azərbaycan tərəfindən rədd ediləcək. Bu ehtimalı zəif qiymətləndirirəm”.