Köçəryandan Şahramanyana: “İrəvanda nə gəzirsən?”

“Samvel Şahramanyan “artsax”ı ləğv etməyibsə, İrəvanda nə işi var?”.

Teleqraf.com xəbər verir ki, bunu Ermənistan parlamentinin Müdafiə və Təhlükəsizlik Komitəsinin sədri Andranik Köçəryan deyib.

Siyasətçi Şahramanyanın qondarma qurumu buraxması ilə bağlı “fərman”ını təkzib etməsinə ironiyalı cavab verib:

“Bir gün “imzalamışıq”, o biri gün “imzalamamışıq” deyirlər.

Şahramanyan qərar versin ki, “artsax”ın (ləğv edilmiş qondarma qurum – red.) ləğvi ilə bağlı “sənəd”i imzalayıb, ya yox? İmza atmayıbsa, niyə Ermənistandadır, “artsaxda vəzifə” tutmalı deyil? Əgər həmin “sənəd”in heç bir qüvvəsi yoxdursa, sual yaranır ki, ermənilər niyə öz yaşayış məntəqələrini tərk ediblər?”.