Yeddi ölkə toplandı - Bakı və İrəvan sülhə çağırıldı

G7 ölkələrinin xarici işlər nazirləri Azərbaycan və Ermənistanı gücdən istifadə etməməyə və sərhədlərin toxunulmazlığı prinsipinə əsaslanan sülh prosesinə riayət etməyə çağırıblar.

Teleqraf.com xəbər verir ki, bu barədə G7-nin bəyanatında deyilir.

“Biz Azərbaycan və Ermənistanı gücdən istifadə etməmək, suverenliyə hörmət, sərhədlərin toxunulmazlığı və ərazi bütövlüyü prinsiplərinə əsaslanan ədalətli və davamlı sülhə nail olmaq üçün sülh prosesinə tam sadiq olmağa çağırırıq”, - bəyanatda bildirilir.

G7 münaqişənin daha da genişlənməsinin qəbuledilməz olacağını vurğulayıb.