14 May 23:06
825
12 Punto 14 Punto 16 Punto 18 Punto

Azərbaycanla Ermənistan arasında sülh prosesinə dair görüşlər intensivləşib.

Teleqraf.com xəbər verir ki, bunu politoloq Elxan Şahinoğlu deyib.

Onun fikrincə, təmasların sıxlaşması gərginliyin qalxmasına zəmin yaradır:

“Azərbaycanla Ermənistan arasında dialoq müxtəlif səviyyələrdə intensivləşib. Prezident İlham Əliyevlə Baş nazir Nikol Paşinyan, o cümlədən xarici işlər nazirləri Ceyhun Bayramovla Ararat Mirzoyanla yanaşı, parlament sədrlərinin görüşləri də artır. Azərbaycan və Ermənistan parlamentlərinin sədrləri Sahibə Qafarova ilə Alen Simonyan arasında növbəti görüş mayın 16-da Cenevrədə gerçəkləşəcək. Bundan əvvəl parlament sədrləri martın 22-də eyni şəhərdə görüşmüşdülər. Bu görüşlər sülh və çərçivə sazişinin imzalanması tarixini yaxınlaşdırır.

Görüşlərin intensivləşməsinin başqa bir əhəmiyyəti də var, ortam yumşalır, tərəflər bir-birlərinə qarşı sərt ritorikadan çəkinməyə başlayıblar. Qarşımızda Türkiyə-Yunanıstan münasibətləri örnəyi var. İki ölkə arasında mübahisə yaradan mövzulara baxmayaraq, Ankara ilə Afina mübahisələri dərinləşdirmək və bununla qarşıdurmanı gücləndirmək əvəzinə, ortaq nöqtələr tapmağa imkan verən siyasətə üstünlük verməyə başlayıb”.


Müəllif: Mənsur Rəğbətoğlu