Türkiyədə uçuş zamanı 6 nəfər yaralandı

Türk Hava Yollarına məxsus təyyarənin göyərtəsində yaranan qarışıqlıq zamanı dörd sərnişin və iki stüardessa olmaqla altı nəfər xəsarət alıb.

Teleqraf.com xəbər verir ki, bu barədə “Airline Geeks” portalı yazıb.

Məlumata görə, hadisə Türkiyənin İstanbul şəhərindən Tayvanın Taypey şəhərinə uçuş zamanı baş verib. Təyinat yerindən uçuşa təxminən iki saat qalmış təyyarə güclü turbulentliklə qarşılaşıb.

Gözlənilməz təkanlar təyyarədə xaosa səbəb olub, sərnişinlər və ekipaj salonun ətrafına atılıb. Nəşrin məlumatına görə, enişdən sonra iki zərərçəkmiş onların xahişi ilə xəstəxanaya aparılıb.