Fransada tramvay qəzasında xəsarət alanların sayı 50-yə çatdı - Yeniləndi

Fransanın Strasburq şəhərində iki tramvayın toqquşması nəticəsində xəsarət alanların sayı 50 nəfərə çatıb.

Teleqraf.com xəbər verir ki, bu barədə Aşağı Reyn departamentinin yanğın və xilasetmə xidmətinin rəhbəri Rene Silyer məlumat verib.

Onun sözlərinə görə, qəza zamanı tramvaylarda təxminən 150 nəfər olub. Onların yarısı tibb müəssisələrinə göndərilib.

***

Fransanın Strasburq şəhərində tramvayların toqquşması nəticəsində azı 30 nəfər xəsarət alıb.

Teleqraf.com bu barədə yerli “Actu17” nəşrinə istinadən xəbər verir.

Məlumata görə, tramvaylardan biri digərinin yoluna çıxıb. Qəzada azı 30 nəfər yaralanıb, onlardan beşinin vəziyyəti ağırdır.

Nəşr hesab edir ki, qəzaya ilkin səbəb kimi açarların dəyişdirilməsində səhv ola bilər.

Vurğulanıb ki, Strasburq stansiyasında tramvay hərəkəti hər iki istiqamətdə dayandırılıb.