Avropa Mərkəzi Bankı faiz dərəcələrini artırmağa davam edəcək - Kristin Laqardın

Avropa Mərkəzi Bankı mart ayında faiz dərəcələrini 50 baza bəndi artıracaq.

Teleqraf.com xəbər verir ki, bunu Avropa Mərkəzi Bankının (European Central Bank) prezidenti Kristin Laqardın deyib.

Onun sözlərinə görə, ECB-nin mart iclasında uçot dərəcəsini 50 baza bəndi artıracağına inanmaq üçün hər cür əsas var: “ECB faiz qərarları verərkən məlumatlara əsaslanaraq hərəkət edəcək. Ehtiyac yaranarsa, mart ayından sonra da faiz artımına gediləcək”.

Laqard ECB İdarəetmə Şurasının 2 faizlik inflyasiya hədəfinə qayıtmaq üçün əlindən gələni etməyə hazır olduğunu da vurğulayıb.